ٹانک: جنڈولہ میں دھماکا، امن کمیٹی کے سربراہ ہلاک

ٹانک (ڈیلی اردو) ‏صوبہ خیبر پختونخوا کے قبائلی ضلع جنوبی وزیرستان سے ملحقہ ضلع ٹانک کے صدر مقام جنڈولہ کے علاقہ سور کلائے میں ریموٹ کنٹرول بم دھماکے میں سابق امن کمیٹی کے سربراہ نصراللہ بیٹنی ہلاک ہوگئے۔

تفصیلات کے مطابق آج منگل کو جنڈولہ میں حکومت نواز جنگجو کمانڈر نصراللہ بیٹنی کو ریموٹ کنٹرول بم دھماکے کے ذریعے نشانہ بنایا گیاـ جس کے نتیجے میں وہ ہلاک ہوگئے۔

سرکاری ذرائع نے تصدیق کرتے ہوئے بتایا کہ دھماکہ جنوبی وزیرستان اور ضلع ٹانک کو ملانے والے نیم قبائلی علاقے جنڈولہ میں حکومت نواز جنگجو کمانڈر نصراللہ بیٹنی کے گھر کے قریب ’سر کلی‘ گاؤں میں ہوا ہے۔

https://twitter.com/ShabbirTuri/status/1496171423211167752?t=0K3g9dcIGGX5sgDCnl1E2w&s=19

دھماکے میں مذکورہ کمانڈر شدید زخمی ہوا جس کو فوری طور پر ڈیرہ اسماعیل خان ہسپتال منتقل کر دیا گیا جہاں وہ زخموں کی تاب نہ لاتے ہوئے ہلاک ہوگئے۔