ٹانک میں پولیس کی گاڑی کے قریب دھماکا، ایک اہلکار شدید زخمی

ٹانک (ڈیلی اردو) صوبہ خیبرپختونخوا کے ضلع ٹانک میں پولیس وین کو ریموٹ کنٹرول بم سے نشانہ بنایا گیا جس میں سوار اہلکار معجزانہ طور پر معمولی زخمی ہوا۔

تفصیلات کے مطابق ٹانک میں جنوبی وزیرستان روڈ پر بم دھماکا ہوا، جس میں پولیس موبائل کو نشانہ بنایا گیا۔ حکام کے مطابق دھماکا پرانے کسٹم پمپ کے قریب سڑک کنارے نصب ریموٹ کنٹرول بم سے کیا گیا۔

پولیس حکام کے مطابق دھماکے کے نتیجے میں ایک اہلکار وحید گل شدید زخمی ہوا جبکہ باقی تمام سوار اہلکار معجزانہ طور پر محفوظ رہے۔ زخمی اہلکار کو طبی امداد کے لیے اسپتال منتقل کردیا گیا۔

ڈی پی او ٹانک کا دورہ ڈی ایچ کیو ہسپتال ڈی آئی خان

زخمی ہونیوالے کنسٹیبل کی عیادت کرتے ہوئے خراج تحسین اور پھولوں کا گلدستہ پیش

بہتر طبی سہولیات فراہم کرنے کی ہدایات کیساتھ جلد صحتیابی کیلئے نیک خواہشات کا اظہار

حملہ آوروں کو جلد قانون کے کٹہرے میں کھڑا کردیں گے۔ ڈی پی او ٹانک pic.twitter.com/YW7y7WI59Z

— Tank Police Official (@tank_police_) March 13, 2022

دھماکے کے بعد پولیس اور تحقیقاتی اداروں کے اہلکاروں نے جائے وقوعہ پر پہنچ کر شواہد اکھٹے کیے۔