پاکستانی سفیر احسن وگن کو امریکا سے ڈی پورٹ کر دیا گیا

واشنگٹن (ڈیلی اردو) ترکمانستان میں تعینات پاکستانی سفیر کو امریکا میں داخلے سے روک دیا گیا، انہیں لاس اینجلس ایئر پورٹ سے ڈی پورٹ کیا گیا۔

ذرائع کا کہنا ہے پاکستانی سفارتکار کو امریکا میں داخلے سے روک دیا گیا، سفارتکار کے کے احسن وگن نجی دورے پر امریکا پہنچے تھے۔

ذرائع کا کہنا ہے پاکستانی سفارتکار کو امریکا میں داخلے سے روک دیا گیا، سفارتکار کے کے احسن وگن نجی دورے پر امریکا پہنچے تھے۔

ذرائع نے ڈیلی اردو کو بتایا کہ پاکستانی سفیر کو 10 مارچ کو لاس اینجلس کے ائرپورٹ سے ڈی پورٹ کیا گیا۔

ذرائع کے احسن وگن کچھ سال قبل وہاں تعینات رہے اور پھر امان میں بھی تعینات رہے۔

ذرائع کا کہنا ہے کہ پاکستانی سفارت کار کی بے دخلی کا کسی معاملے یا کسی پالیسی سے کوئی تعلق نہیں ہے، کے کے احسن وگن جب امریکا میں تعینات تھے تو انتظامی شکایات ضرور تھیں، قیاس کیا جارہا ہے کہ اس حوالے سے کوئی کارروائی ہوئی ہے۔

ذرائع نے یہ بھی بتایا کہ اس حوالے سے امریکی اسٹیٹ ڈیپارٹمنٹ یا ہوم لینڈ سیکیورٹی ڈیپارٹمنٹ کی طرف سے ایسی کوئی آفیشل تحریر نہیں آئی اور نہ ہی دفتر خارجہ پاکستان کی جانب سے اس بارے میں کوئی وضاحت آئی ہے۔

کے کے احسن وگن کو 6 ماہ قبل ہی ترکمانستان بھیجا گیا۔

واضح رہے کہ امریکا کے صدر ڈونلڈ ٹرمپ کی جانب سے سفری پابندی کا حکم نامہ کل جاری ہونے کا امکان ہے۔

ڈیلی اردو کے مطابق امریکی سفری پابندی میں ممکنہ طور پر شامل ممالک کے نام سامنے آگئے جن میں پاکستان، افغانستان، عراق، ایران، لبنان شامل ہوسکتے ہیں۔

لیبیا، فلسطین، صومالیہ، سوڈان، شام، یمن سفری پابندی کا شکار ممالک میں ممکنہ طور پر شامل ہیں۔