لاہور: مسیحی خاتون اور اسکے خاندان کو دھمکیوں کا سلسلہ رک نہ سکا

لاہور (اے ڈی شہزاد ) صوبہ پنجاب کے صوبائی دارالحکومت لاہور کے علاقہ کوٹ لکھپت میں چند ماہ قبل مسیحی برادری سے تعلق رکھنے والے خاندان کو ایک بار پھر سے قتل کی دھمکیاں ملنا شروع ہو گئی ہے۔

تفصیلات کے مطابق فرحت خورشید عالم کے والد خورشید عالم نے ڈیلی اردو کو بتایا کہ ملزمان نے چند ماہ قبل ہمارے ہونے والے داماد عدنان مقبول ولد مقبول مسیح کو اتفاق ہسپتال لاہور کے سامنے قتل اور توہین رسالت کا کیس بنانے کی دھمکیاں دی تھیں مگر ہماری شنوائی نہیں ہوئی۔

بااثر ملزمان آج بھی دندناتے پھر رہے ہیں اور قانون کی گرفت سے باہر ہیں ان سے ہمیں شدید خطرات لاحق ہیں مگر ہمیں انصاف نہیں مل رہا اور نہ ہماری جانیں یہاں محفوظ ہیں۔ پولیس حکام بااثر ملزمان کو گرفتار کرنے میں لیت و لعل سے کام لے رہے ہیں۔

ولد نے مزید بتایا کہ پولیس بااثر ملزمان کے ساتھ ملی ہوئی ہے اور ہماری کہیں بھی شنوائی نہیں ہو رہی ہے۔ ہماری حکومت سے درخواست ہے کہ ہمیں فوری طور پر تحفظ فراہم کریں۔