پشاور میں بیٹے کی فائرنگ سے باپ اور 2 بھائی جاں بحق، ایک شدید زخمی

پشاور ( ڈیلی اردو) پشاور کے نواحی علاقے میں بیٹے کی فائرنگ سے باپ اور 2 سوتیلے بھائی جاں بحق جب کہ ایک زخمی ہوگیا۔

تفصیلات کے مطابق خیبر پختون خوا کے صوبائی دارالحکومت پشاور کے علاقے آشو خیل میں سجاد نامی شخص نے اپنے باپ اور بھائیوں پر فائرنگ کردی، جس کے نتیجے میں اس کا باپ سکندر اور 2 بھائی ثاقب اور مشتاق موقع پر ہی جاں بحق جب کہ ایک بھائی عالمزیب شدید زخمی ہوگیا۔

پولیس کا کہنا ہے کہ واقعہ گھریلو جھگڑے کا شاخسانہ ہے، ثاقب اور مشتاق ملزم کے سوتیلے بھائی ہیں، ملزم سجاد جائے وقوعہ سے فرار ہوگیا ہے جسے گرفتار کرنے کے لیے ٹیمیں تشکیل دے دی گئی ہیں جب کہ فائرنگ سے زخمی بھائی عالمزیب کو پشاور کے اسپتال منتقل کردیا گیا جہاں اسے طبی امداد دی جارہی ہے۔