پشاور: پھندو پولیس اسٹیشن پر دستی بموں سے حملہ، 3 اہلکار زخمی

پشاور (ڈیلی اردو) صوبہ خیبر پختونخوا کے صوبائی حکومت پشاور کے تھانہ پھندو پر نامعلوم شرپسندوں کی جانب سے  دستی بم  پھینکے گئے، جس کے نتیجے 3 پولیس اہلکار زخمی ہوگئے، جنہیں طبی امداد کے لیے ہسپتال منتقل کیا گیا ہے۔

پولیس ذرائع کے مطابق واقعہ صبح پیش آیا، جب نامعلوم افراد نے دستی بموں سے تھانے پر حملہ کیا، اور دو گرینینڈ تھانے کی حدور میں پھینکے اور فرار ہوگئے۔

TTP has claimed this attack in Peshawar. #Pakistan https://t.co/BX1uOQRcSg

— FJ (@Natsecjeff) February 19, 2022

سرکاری ذرائع کے مطابق پشاور کے تھانہ پر دستی بم حملے میں 3 اہلکار زخمی ہوگئے، جنہیں طبی امداد کے لیے ہسپتال منتقل کیا گیا، جبکہ زخمیوں کی حالت خطرے سے باہر ہے۔

واقعے کی اطلاع ملتے ہی دیگر تھانوں کی نفری اور گشت پر مامور پولیس کی ٹیمیں جائے وقوعہ پر پہنچ گئیں جب کہ بم ڈسپوزل اسکواڈ کو بھی طلب کرلیا گیا، بی ڈی یو ٹیم نے دستی بم کی تصدیق کی ہے۔

دوسری جانب کالعدم تنظیم تحریک طالبان پاکستان نے حملے کی ذمہ داری قبول کرلی۔