پشاور: 10 سال سے بغیر ایف آئی آر کے قید مسیحی نوجوان کی رہائی کیلئے ہائیکورٹ میں درخواست

پشاور (ڈیلی اردو) پشاور سینٹرل جیل میں بغیر (مقدمہ) ایف آئی آر کے 10 سال سے قید میسحی نوجوان نے رہائی کے لیے پشاور ہائیکورٹ میں درخواست دائر کر دی۔

درخواست سیف اللہ محب کاکا خیل ایڈووکیٹ کی وساطت سے دائر کی گئی۔

درخواست گزار شکیل مسیح نے مؤقف اختیار کیا ہے کہ وہ دس سال سے سینٹرل جیل پشاور میں ایف آئی آر کے بغیر قید میں ہے، اسے پندرہ روز بعد عدالت لے جایا جاتا ہے لیکن باہر سے ہی واپس لے آتے ہیں، ابھی تک عدالت کے سامنے پیش نہیں کیا گیا جبکہ کیس کا کوئی ریکارڈ موجود نہیں، اگر ایف آئی آر ہے تو قانون کے مطابق ٹرائل کیا جائے۔

درخواست گزار نے عدالت سے استدعا کی کہ اس کے خلاف ایف آئی آر بھی درج نہیں اس لیے اسے رہا کرنے کا حکم دیا جائے۔

شکیل سمیح کو 10 سال پہلے سیکیورٹی اہلکاروں کے قتل کے الزام میں گرفتار کیا گیا تھا۔