پنجاب میں دہشتگردی کا خطرہ، سی ٹی ڈی نے الرٹ جاری کردیا

لاہور (ڈیلی اردو) ملک بھر میں دہشتگردی کے خطرے کے پیش نظر الرٹ جاری کردیا گیا ہے، دہشتگردی کا الرٹ 2 خطرناک دہشت گردوں کی گرفتاری کے بعد کیا گیا۔

سی ٹی ڈی نے مختلف اضلاع میں 23 آپریشن کئے اور متعدد مشتبہ افراد سے تفتیش کی۔

تفصیلات کے مطابق کاؤنٹر ٹیررازم ڈیپارٹمنٹ (سی ٹی ڈی) نے ملک بھر میں دہشتگردی کے خطرے کے پیش نظر الرٹ جاری کیا ہے۔

سی ٹی ڈی پنجاب کی جانب سے صوبے بھر میں انٹیلی جنس بیسڈ آپریشن کیے جا رہے ہیں۔

گزشتہ 7 روز میں مختلف اضلاع میں 23 آپریشن کیے اور اس دوران 23 مشتبہ افراد سے تفتیش کی گئی۔

ان آپریشن کے دوران 2 خطرناک دہشت گردوں کو بھی گرفتار کیا گیا۔ دہشت گردوں میں عبدالصمد اور اکرام اللہ خان شامل ہیں، دہشت گرد عبدالصمد کو سیالکوٹ سے گرفتار کیا گیا اور دوسرے دہشت گرد اکرام اللہ خان کو ننکانہ صاحب سے گرفتار کیا گیا۔

دہشتگردی کا الرٹ 2 خطرناک دہشت گردوں کی گرفتاری کے بعد کیا گیا ہے۔

ترجمان سی ٹی ڈی کا کہنا ہے کہ پنجاب کے مختلف علاقوں سے گرفتار دہشت گردوں کا تعلق کالعدم تنظیم سے ہے۔