ڈیرہ اسماعیل خان میں دہشت گردوں کی کسٹم گاڑی پر فائرنگ، 5 اہلکاروں سمیت 7 افراد ہلاک

ڈی آئی خان (ڈیلی اردو) صوبہ خیر پختونخوا کے ضلع ڈیرہ اسماعیل خان میں دہشت گردوں کی فائرنگ سے 5 کسٹم انٹیلی جنس اہلکاروں سمیت 7 افراد ہلاک ہوگئے۔

#Pakistan: At least 4 customs officials have been shot dead after their vehicle was targeted in DI Khan district. According to a pro-TTP channel, the attack was carried out by TTP militants, and “weapons” were also seized from the slain individuals. https://t.co/NlYALz25pB

— ???? (@cozyduke_apt29) April 18, 2024

تفصیلات کے مطابق ڈیرہ اسماعیل خان کی سگو روڈ پر نامعلوم دہشت گردوں کی فائرنگ سے 5 کسٹم اہلکار اور ایک بچی ہلاک ہوئی جبکہ ایک راہگیر زخمی ہوا تھا۔

زخمی راہ گیر کو طبی امداد کی فراہمی کے لیے فوری طور پر ہسپتال منتقل کیا گیا جہاں وہ بھی زخموں کی تاب نہ لاتے ہوئے چل بسا۔

پولیس کے مطابق ہلاک ہونے والوں میں ایک کسٹم انسپکٹر اور چار اہلکار شامل ہیں۔ اہلکار ڈیرہ اسماعیل خان کوئٹہ روڈ پر تعینات تھے.

اطلاعات کے مطابق دہشت گرد کسٹم اہلکاروں کا اسلحہ چھینے میں کامیاب ہو گئے۔

پولیس کی جانب سے واقعے کے بعد تحقیقات کا آغاز کر دیا ہے۔

دوسری جانب وفاقی وزیرداخلہ نے کسٹم اہلکاروں پرفائرنگ کے واقعےکی مذمت کی۔

وزیر داخلہ محسن نقوی نے ڈی آئی خان واقعہ پر پر دکھ کا اظہار اور شہداء کے لواحقین سے دلی ہمدردی و اظہار تعزیت بھی کی ہیں۔

وزیر داخلہ کا کہنا تھا کہ غمزدہ خاندانوں کے دکھ میں برابر شریک ہے۔