ڈیرہ اسماعیل خان: نامعلوم افراد کی فائرنگ سے اینٹی نارکوٹکس فورس کا اہلکار ہلاک

ڈی آئی خان (بیورو رپورٹ) صوبہ خیبر پختونخوا کے ضلع ڈیرہ اسماعیل خان میں نامعلوم مسلح افراد کی فائرنگ سے اے این ایف کا اہلکار ہلاک ہوگیا۔

نمائندہ ڈیلی اردو کے مطابق ڈیرہ میں سی آر بی سی چوک کے قریب نامعلوم افراد کی فائرنگ سے اینٹی نارکوٹکس فورس (اے این ایف) کا کانسٹیبل آصف زیب ہلاک ہوگیا۔

https://twitter.com/ShabbirTuri/status/1518281058156179456?t=3vLpGkkSvZ3TTXJ4iQTPuw&s=19

پولیس حکام نے بتایا کہ اہلکار اپنی ڈیوٹی انجام دے رہا تھا، کہ اس دوران ان پر حملہ کردیا گیا، مسلح ملزمان موٹر سائیکل پر سوار تھے، اور واردات کے بعد فرار ہوگئے

واقعے کی اطلاع ملتے ہی ریسکیو ٹیمیں جائے وقوع پر پہنچیں اور فائرنگ کا نشانہ بننے والے اہلکار کو ہسپتال منتقل کر دیا۔

پولیس نے موقع پر پہنچ کر علاقے کو گھیرے میں لیکر سرچ اپریشن شروع کردیا ہے۔