ڈیرہ اسماعیل خان: ڈی ایس پی ٹانک کے بیٹے کی گولیاں سے چھلنی لاش برآمد

ڈی آئی خان (بیورو رپورٹ) صوبہ خیبر پختونخوا کے ضلع ڈیرہ اسماعیل خان میں پولیس افسر کے بیٹے کی گولیاں سے چھلنی لاش برآمد ہوئی ہے۔

ڈیلی اردو کے مطابق تھانہ پنیالہ کی حدود گاؤں عبدالخیل کے قریب ڈپٹی سپرنٹنڈنٹ آف پولیس (ڈی ایس پی) ضلع ٹانک سب ڈویژن جنڈولہ سید مرجان خان کے جواں سال بیٹے نعمان خان کو نامعلوم مسلح افراد نے فائرنگ کرکے ہلاک کردیا۔

پولیس حکام کا کہنا ہے کہ نے نوجوان کو قتل کرنے کے بعد اس کی نعش قریبی کھیتوں سے میں پھینک دی۔ پولیس نے لاش کو پوسٹ مارٹم کے لئے پنیالہ ہسپتال منتقل کردیا۔

پولیس حکام کے مطابق نوجوان سب ڈویژن جنڈولہ ٹانک میں تعینات ڈی ایس پی سید مرجان کا بیٹا ہے۔

پولیس نے مقدمہ درج کر کے مزید تفتیش شروع کردی ہے۔