ڈیرہ اسماعیل خان: کلاچی میں سیکیورٹی فورسز کا آپریشن، تحریک طالبان پاکستان کے 3 دہشت گرد ہلاک

ڈی آئی خان (بیورو رپورٹ) صوبہ خیبر پختونخوا کے ضلع ڈیرہ اسماعیل خان کے علاقے منڈی میں سیکورٹی فورسز اور پولیس کے مشترکہ سرچ آپریشن میں تین دہشت گرد ہلاک ہوگئے۔

https://twitter.com/ShabbirTuri/status/1510146630737346560?t=xzRGG80XlSkdzIgV7ZBM5A&s=19

نمائندہ ڈیلی اردو کے مطابق ڈیرہ اسماعیل خان کی تحصیل کلاچی کے علاقے منڈی میں سیکورٹی فورسز اور پولیس کے مشترکہ سرچ آپریشن میں دہشت گروں سے فائرنگ کے تبادلے میں تین مبینہ دہشت گرد ہلاک ہوگئے۔

سی ٹی ڈی کے مطابق کلاچی میں آپریشن دہشت گردوں کی موجودگی کی خفیہ اطلاع پر کیا گیا۔

سی ٹی ڈی کے مطابق دہشت گردوں اور سیکیورٹی فورسز کے درمیان شدید فائرنگ کا تبادلہ ہوا، جس میں کالعدم تنظیم تحریک طالبان پاکستان گنڈا پور گروپ کے تین دہشت گرد مارے گئے۔

ہلاک دہشت گردوں میں کمال عرف کمالی، سلیم اور احسان شامل ہیں۔

پولیس کے مطابق ہلاک دہشت گردوں سے دستی بموں سمیت اسلحہ و گولہ بارود برآمد ہوا ہے۔

ہلاک تینوں دہشت گرد پولیو ٹیم پر حملوں، پولیس اہلکاروں کی ٹارگٹ کلنگ، آرمی بیس پر حملوں اور ٹانک میں ایف سی قلعہ حملہ پر حملے میں ملوث تھے۔