کالعدم ٹی ٹی پی کو واپس آباد کرنے کے سوا کوئی چارہ نہ تھا، سابق وزیر اعظم عمران خان

لاہور (مانیٹرنگ ڈیسک) پاکستان تحریک انصاف (پی ٹی آئی) کے چیئرمین اور سابق وزیر اعظم عمران خان نے کہا ہے کہ پاکستان کے پاس کالعدم ٹی ٹی پی کے 6 ہزار جنگجوؤں سمیت 40 ہزار افراد کو واپس آباد کرنے کے سوا کوئی چارہ نہیں تھا، آج بھی حل یہی ہے کہ کالعدم تحریک طالبان پاکستان (ٹی ٹی پی) سے مذاکرات کریں اور اگر مذاکرات نہیں کر سکتے تو پھر بندوق ہی اٹھانی پڑے گی۔

برطانوی خبر رساں ادارے بی بی سی کو دیے گئے انٹرویو میں سابق وزیر اعظم عمران خان نے کہا کہ طالبان نے برسر اقتدار آنے کے بعد کہہ دیا تھا کہ کالعدم ٹی ٹی پی کے لوگوں کو واپس لو۔

I interviewed Imran Khan in Lahore to know his plans for the election rally across Pakistan, the court cases against him and on resettling the TTP. For BBC Urdu: https://t.co/TLKBnbcSvK

— Sahar Baloch (@Saherb1) March 13, 2023

عمران خان نے کہا کہ پاکستان کے پاس دو ہی راستے تھے یا تو انہیں پکڑ کر مار دیتے یا معاشرتی دھارے میں واپس لاتے، اس کے سوا کوئی تیسری چوائس نہیں تھی۔

دہشتگردی کی لہر کے تناظر میں عمران خان نے کہا کہ اب انہیں واپس لے کر آچکے ہیں اور سماجی بحالی بھی نہیں کی ہے تو یہ مسائل تو آنے ہی تھی۔