کراچی سے تحریک طالبان پاکستان کے دو دہشت گرد گرفتار

کراچی (بیورو رپورٹ) صوبہ سندھ کے صوبائی دارالحکومت کراچی سے کالعدم تحریک طالبان پاکستان (ٹی ٹی پی) کے 2 دہشت گردوں کو گرفتار کرکے ان کے قبضے سے دستی بم برآمد کرلیے۔

تفصیلات کے مطابق کراچی پولیس نے ابراہیم حیدری کے قریب کارروائی کرتے ہوئے کالعدم تنظیم تحریک طالبان پاکستان کے دو دہشت گردوں کو گرفتار کر لیے ہے۔ دہشت گردوٕں کی شناخت نعمت اللہ عرف بابا اور پیر اللہ کے ناموں سے ہوئی ہے۔

ذرائع کے مطابق دونوں دہشت گرد کو خفیہ اطلاع پر کارروائی کرتے ہوئے گرفتار کیا گیا ہے۔

پولیس کا کہنا ہے کہ گرفتار دہشت گردوں کا تعلق جنوبی وزیرستان سے ہے اور افغانستان سے تربیت حاصل کر کے آئے تھے، گرفتار ملزم نعمت اللہ کے والد اور دو بھائی بھی ٹی ٹی پی سے وابستہ تھے۔

حکام کے مطابق ملزم کے دو بھائیوں میں سے برکت اللہ گرفتار ہو چکا ہے اور دوسرا بھائی امان اللہ 2014 میں پولیس مقابلے میں مارا گیا تھا جبکہ گرفتار دہشت گرد نے مہتاب نامی شخص کو مخبری کے شبے میں قتل کیا جس کو مارنے کے احکامات حکیم اللہ محسود نے دیے تھے۔

پولیس ذرائع کا کہنا ہے کہ ملزمان سے تفتیش کی جارہی ہے مزید گرفتاریاں اور انکشافات متوقع ہیں۔