کراچی: نامعلوم موٹر سائیکل سواروں کی فائرنگ، دو افراد ہلاک

کراچی (ڈیلی اردو) صوبہ سندھ کے صوبائی حکومت کراچی کے علاقے کورنگی میں نامعلوم مسلح افراد کی فائرنگ سے 2 افراد ہلاک ہوگئے۔

پولیس کے مطابق کراچی کے علاقے کورنگی 5 نمبر میں نامعلوم موٹرسائیکل سوار ملزمان کی فائرنگ سے 2 افراد ہلاک ہوگئے۔ واقعے کی اطلاع ملتے ہی پولیس اور ریسکیو کی ٹیمیں جائے وقوعہ پر پہنچ گئیں اور لاشوں کو جناح ہسپتال منتقل کردیا گیا، جبکہ علاقے کو گھیرے میں لے کر ناکہ بندی کردی گئی ہے۔

ریسکیو حکام کے مطابق فائرنگ میں 2 افراد شدید زخمی ہوئے تھے، جنہیں طبی امداد کے لیے ہسپتال منتقل کیا جارہا تھا، کہ زخموں کی تاب نہ لاتے ہوئے دونوں افراد نے دم توڑ دیا، تاحال کسی کی شناخت نہیں ہوسکی۔