کراچی کے علاقے بلدیہ میں دستی بم حملہ، 2 افراد زخمی

کراچی (ڈیلی اردو) صوبہ سندھ کے صوبائی حکومت کراچی کے علاقے بلدیہ میں نامعلوم موٹر سائیکل سواروں نے ایم کیو ایم کے سرگرم رکن یعقوب مادہ کے بھائی گھر پر دستی بم پھینکا اور فرار ہوگئے۔

پولیس کے مطابق افطاری کے وقت کیے گئے حملے میں اقبال اور مسجد کا چندہ جمع کرنے والا نوجوان زخمی ہوا، جنہیں ہسپتال منتقل کر دیا گیا۔

ایس ایس پی کیماڑی فیضان علی نے دستی بم دھماکے کے مقام پر میڈیا سے گفتگو کرتے ہوئے کہا ہے کہ افطار کے وقت دو موٹر سائیکلوں پر 4 افراد آئے، ملزمان نے گھر کے باہر بیٹھے اقبال نامی شخص سے کچھ بات کی۔

ایس ایس پی نے مزید بتایا کہ ملزمان دستی بم پھینکا، جو زور دار دھماکے سے پھٹ گیا۔ دھماکے کے نتیجے میں اقبال نامی شخص اور وہاں سے گزرنے والا لڑکا معمولی زخمی ہوئے۔

فیضان علی نے بتایا کہ واقعہ کی ہر پہلو سے تحقیقات کررہے ہیں۔