کرم: پاراچنار میں دو روز قبل نامعلوم افراد فائرنگ سے زخمی ہونے والا پولیس اہلکار دم توڑ گیا

پشاور (نمائندہ ڈیلی اردو) ‏صوبہ خیبر پختونخوا کے قبائلی ضلع کرم میں گذشتہ روز نامعلوم افراد کی فائرنگ سے شدید زخمی ہونے والا پولیس کانسٹیبل زخموں کی تاب نہ لاتے ہوئے ہسپتال میں دم توڑ گیا۔

تفصیلات کے مطابق ‏پاراچنار کے نواحی گاؤں ڈال کے قریب نامعلوم افراد کی فائرنگ سے شدید زخمی ہونے والا پولیس اہلکار ہسپتال میں دم توڑ گیا۔

پولیس کے مطابق ہیڈ کانسٹیبل جلال حسین دو روز تک پشاور کے ہسپتال میں زیر علاج رہنے کے بعد آج دم توڑ گیا ہے۔

جلال حسین کی نماز جنازہ ادا کردی گئی۔ نماز جنازہ میں ڈی پی او کرم نثار احمد خان، ڈی ایس پی نجف علی، ڈی ایس پی مظہر علی، ایس ایچ اوز و بھاری پولیس نفری اور لواحقین کے علاوہ قبائلی عمائدین اور زندگی کے مختلف شعبوں سے تعلق رکھنے والے افراد نے کثیر تعداد میں شرکت کی۔