کوئٹہ: سیکورٹی فورسز کی گاڑی کے قریب دھماکا، پانچ اہلکار زخمی

کوئٹہ (بیورو رپورٹ) صوبہ بلوچستان کے دارالحکومت کوئٹہ کے علاقے دشت میں جمعرات کی شب ہونے والے دھماکے کے نتیجے میں پانچ سکیورٹی اہلکار زخمی ہو گئے ہیں۔

پولیس ذرائع کے مطابق دھماکے میں ڈیوٹی پر مامور سکیورٹی فورسز کی گاڑی کو نشانہ بنایا گیا ہے۔

واقعے کے بعد پولیس اور ریسکیو ٹیموں کو اطلاع دی گئی جنہوں نے موقع پر پہنچ کر زخمیوں کو ملٹری سپتال منتقل کیا جہاں انہیں طبی امداد فراہم کی جارہی ہے۔

زخمیوں میں سے بعض کی حالت تشویشناک بتائی جاتی ہے۔

دھماکے کے بعد پولیس اور فورسز نے جائے وقوعہ کو گھیرے میں لے کر شواہد اکٹھے کرنے کا کام شروع کردیا ہے اور علاقے میں سرچ آپریشن بھی جاری ہے۔

کوئٹہ شہر میں یہ اس ماہ کے دس دنوں میں فورسز پر دوسرا دھماکہ تھا۔