کوہاٹ اور ہنگو میں خودکش حملہ آور کے داخل ہونے کی اطلاع، سکیورٹی ریڈ الرٹ

کوہاٹ (ڈیلی اردو/این این آئی) صوبہ خیبر پختونخوا کے ضلع کوہاٹ کی حدود میں ایک مبینہ خودکش بمبار کے داخل ہونے کی اطلاع پر سیکیورٹی سخت کرکے اداروں کو ہائی الرٹ رہنے کی ہدایات جاری کر دی گئی ہیں۔

معتبر ذرائع کے مطابق تین روز قبل انٹیلیجنس اداروں نے تھریٹ الرٹ جاری کر کے پولیس سمیت دیگر سیکیورٹی اداروں کو خبردار کیا ہے کہ کوہاٹ اور ہنگو اضلاع کی حدود میں نیلی آنکھوں اور فارسی بولنے والا 16 سالہ ایک افغان نوجوان (جس کا نام ارشاد بتایا گیا ہے) خودکش بمبار داخل ہو گیا ہے جس کا تعلق ایک کالعدم تنظیم سے ہے۔

اطلاع کے مطابق مبینہ خودکش بمبار موٹرسائیکل پر یا گاڑی میں کسی بھی وقت کسی سرکاری ادارے ‘املاک‘ پرہجوم پبلک مقامات اور ٹریننگ سنٹر وغیرہ کو نشانہ بناکر خودکش دھماکہ کرسکتا ہے۔

پولیس نے تمام اداروں کو ہائی الرٹ رہنے کی ہدایات جاری کردی ہیں۔