کینیا میں الشباب کے حملے میں 6 دیہاتی ہلاک

لامو (ڈیلی اردو/شِنہوا) کینیا کی ساحلی کاؤنٹی لامو کے ایک گاؤں میں الشباب عسکریت پسندوں کے حملے میں کم از کم 6 دیہاتی ہلاک ہو گئے ہیں۔

لامو کاؤنٹی کے کمشنر ایرونگو مچاریہ نے پیر کے روز بتایا کہ حملہ آور نے متعدد گھروں کو بھی نذر آتش کر دیا ہے۔ حملہ آوروں کے بارے میں خیال ہے کہ وہ پڑوسی ملک صومالیہ سے آئے تھے۔

Suspected Al-Shabaab militants have killed six people in Widho area in Lamu West Sub-County.

https://t.co/gq6xdW60Ug

— The Standard Digital (@StandardKenya) January 3, 2022

ایرونگو مچاریہ نے فون پر بتایا کہ سیکورٹی فورسز حملہ آوروں کا تعاقب کر رہی ہیں، مزید بتایا کہ متاثرین میں سے ایک کو گولی مار کر جبکہ دوسرے کو گلا کاٹ کر ہلاک کیا گیا اور دیگر 4 افراد کو انکے گھر میں جلا کر مارا گیا ہے۔

ساحلی خطے کے کمانڈر مانا سے موسیوکا نے بھی واقعے کی تصدیق کی ہے۔

موسیوکا نے فون پر شِنہوا کو بتایا کہ میری ٹیم نے مجھے حملے کے بارے میں آگاہ کر دیا ہے اور ہم صورتحال کا جائزہ لینے کیلئے وہاں جانے کا منصوبہ بنا رہے ہیں۔ مجھے بتایا گیا ہے کہ واقعے میں 6 افراد ہلاک ہوئے ہیں۔

سیکورٹی اداروں نے بتایا ہے کہ حملے سے قبل عسکریت پسندوں کو بونی کے وسیع جنگلات میں دیکھا گیا تھا جو صومالی سرحد کے قریب واقع ہے۔