یمن: صنعا اور الجوف پر اسرائیلی فضائی حملے، 40 افراد ہلاک، 118 زخمی

یروشلم + صنعا  (ڈیلی اردو) یمن کے دارالحکومت صنعا اور صوبہ الجوف میں اسرائیلی فضائی حملوں کے نتیجے میں حوثیوں کے زیر قبضہ متعدد مقامات کو نشانہ بنایا گیا۔

مقامی صحافیوں کے مطابق حملوں میں حوثیوں کا دفاعی ہیڈکوارٹر، ایندھن کے مراکز اور میڈیا ڈیپارٹمنٹ شامل ہیں۔

حوثیوں کے زیر انتظام وزارتِ صحت کا کہنا ہے کہ ان حملوں میں صحافیوں سمیت کم از کم 40 افراد ہلاک اور 118 زخمی ہوئے۔

اسرائیلی فوج نے بیان میں کہا کہ کارروائی کے دوران عسکری کیمپ، ایندھن کا ذخیرہ اور حوثیوں کا میڈیا و پبلک ریلیشنز ڈیپارٹمنٹ نشانہ بنائے گئے۔

فوجی ترجمان کے مطابق یہ فضائی حملے ایران حمایت یافتہ حوثیوں کی جانب سے حالیہ دنوں میں اسرائیل پر کیے گئے ڈرون اور میزائل حملوں کے جواب میں کیے گئے ہیں۔