آپریشن سندور میں 50 حملے کرکے پاکستان کو جنگ بندی پر مجبور کیا، بھارتی نائب ایئر چیف

نئی دہلی (ڈہلی اردو/پی ٹی آئی) انڈین فضائیہ (آئی اے ایف) کے نائب سربراہ ایئر مارشل نرمدیشور تیواری نے دعویٰ کیا ہے کہ مئی میں ہونے والے ’آپریشن سندور‘ کے دوران بھارت نے صرف 50 سے کم ہتھیار استعمال کیے اور اس کے بعد پاکستان کو جنگ بندی پر مجبور ہونا پڑا۔

بھارتی سرکاری خبر رساں ادارے پریس ٹرسٹ آف انڈیا (پی ٹی آئی) کے مطابق، ایئر مارشل تیواری نے ہفتہ (30 اگست) کو این ڈی ٹی وی کی دفاعی کانفرنس 2025 سے خطاب کرتے ہوئے کہا کہ انڈین فضائیہ نے 9 اور 10 مئی کی درمیانی شب پاکستانی حملوں کے جواب میں کارروائی کی اور پاکستانی فوج پر "مکمل تسلط" قائم کر لیا۔

ان کے بقول:“یہ ہمارے لیے ایک تاریخی قدم تھا۔ صرف 50 سے بھی کم ہتھیاروں میں ہم نے مکمل تسلط حاصل کر لیا، ایسا اس سے پہلے کبھی نہیں ہوا۔”

ایئر مارشل تیواری نے مزید کہا کہ اس مشن کے دوران کچھ ایسے اہداف کو بھی نشانہ بنایا گیا جو 1971 کی جنگ میں بھی حملوں کی زد میں نہیں آئے تھے۔