اسرائیل کیساتھ تعلقات سے خطے کو فائدہ ہوگا، سعودی وزیر خارجہ فیصل بن فرحان

ریاض (ڈیلی اردو) سعودی وزیر خارجہ شہزادہ فیصل بن فرحان نے کہا ہے کہ اسرائیل کے ساتھ معمول کے تعلقات سے مشرق وسطیٰ خطے کے لیے ‘زبردست فائدے’ ہوں گے۔

وزير خارجية #السعودية في مقابلة مع CNN: نركز على رخاء شعبنا ومستعدون للعب دور أكبر في ضمان أمننا https://t.co/7YHmSmqbGm @CNNConnect @BeckyCNN @FaisalbinFarhan pic.twitter.com/GjEjLzHDkI

— CNN بالعربية (@cnnarabic) April 2, 2021

فرانسیسی خبر رساں ایجنسی ‘اے ایف پی’ کی رپورٹ کے مطابق ان کا یہ بھی کہنا تھا کہ اس طرح کا کوئی بھی معاہدہ اسرائیل-فلسطین امن عمل پر منحصر ہے۔

"Normalising Israel's status within the region would bring tremendous benefits to the region as a whole" – Saudi foreign minister https://t.co/ffYQhmyotO

— Middle East Eye (@MiddleEastEye) April 3, 2021

سابق امریکی صدر ڈونلڈ ٹرمپ کی کوششوں سے ہونے والے ‘ابراہم معاہدے’ کے تحت 4 عرب ممالک، متحدہ عرب امارات، بحرین، مراکش اور سوڈان یہودی ریاست کے ساتھ معمول کے تعلقات پر رضامند ہوچکے ہیں۔

Any potential deal to normalize relations between #SaudiArabia and #Israel would benefit the region, but depended on progress of peace process between Israelis and #Palestinians, Prince @FaisalbinFarhan told @CNN https://t.co/gCXcH1ffUZ

— Arab News (@arabnews) April 2, 2021

تاہم سعودی وزیر خارجہ شہزادہ فیصل بن فرحان نے کہا کہ سعودی عرب کے ساتھ ہونے والا کوئی بھی معاہدہ ‘کافی حد تک امن عمل میں پیش رفت پر منحصر ہے’۔

امریکی نشریاتی ادارے سی این این کو دیے گئے ایک انٹریو میں ان کا کہنا تھا کہ ‘میرے خیال میں خطے میں اسرائیل کی حیثیت معمول پر لانے سے خطے کو مجموعی طور پر زبردست فائدہ ہوگا’۔

انہوں نے مزید کہا کہ ‘یہ معاشی اور سماجی کے ساتھ ساتھ سیکیورٹی نقطہ نظر سے بھی انتہائی مددگار ہوگا’۔

سعودی عرب بارہا فلسطین کے ساتھ تنازع کے حل کے لیے معاہدہ ہونے تک اسرائیل کے ساتھ رسمی تعلقات نہ رکھنے کی دہائیوں پالیسی کا اعادہ کرچکا ہے۔

تاہم ایران کے حوالے سے مشترکہ خدشات اسرائیل اور خلیجی ممالک کو قریب لے آئے ہیں اور ریاض کئی برسوں سے خاموشی کے ساتھ یہودی ریاست کے ساتھ تعلقات استوار کررہا ہے۔

گزشتہ برس نومبر میں یہ رپورٹس بھی سامنے آئی تھیں کہ اسرائیلی وزیراعظم بینجمین نیتن یاہو نے سعودی عرب کا خفیہ دورہ کیا ہے۔

ان رپورٹس سے ان قیاس آرائیوں کو تقویت ملی تھی کہ شاید تعلقات معمول پر لانے کا کوئی معاہدہ ہورہا ہے تاہم ریاض کی جانب سے ایسی کسی بھی ملاقات کی تردید کردی گئی تھی۔