اسرائیلی حملے میں اسلامی جہاد کے ترجمان ابو حمزہ اہل خانہ سمیت ہلاک

غزہ (ڈیلی اردو رپورٹ) اسرائیلی فضائی حملوں میں فلسطینی مزاحمتی تنظیم اسلامی جہاد کے ترجمان ابو حمزہ ہلاک ہو گئے۔ اسرائیلی میڈیا نے دعویٰ کیا ہے کہ حملے میں ابو حمزہ کے ساتھ ان کے خاندان کے افراد بھی ہلاک ہوئے ہیں۔

یہ حملہ ایسے وقت میں کیا گیا جب اسرائیل نے غزہ میں اپنی کارروائیوں میں شدت لاتے ہوئے متعدد علاقوں کو نشانہ بنایا ہے۔

فلسطینی حکام کے مطابق، ان حملوں میں اب تک 400 سے زائد افراد ہلاک اور 660 سے زائد زخمی ہو چکے ہیں، جبکہ کئی افراد ملبے تلے دبے ہوئے ہیں۔

اسرائیل اور فلسطینی مزاحمتی گروہوں کے درمیان جھڑپیں مزید شدت اختیار کر رہی ہیں، جبکہ عالمی برادری کی جانب سے جنگ بندی کے مطالبات میں اضافہ ہو رہا ہے۔