اسلام آباد: آزادی مارچ میں تعینات پولیس اہلکار نے خودکشی کر لی

اسلام آباد (مانیٹرنگ ڈیسک) جے یو آئی (ف) کے آزادی مارچ کی اسپیشل ڈیوٹی پر آئے پولیس اہلکارنے چھٹی نہ ملنے پرچھری سے خود کوزخمی کرلیا۔

ذرائع کے مطابق آزادی مارچ کے ہمراہ خیبر پختونخوا کے ضلع سوات سے آنے والے فرنٹیئر ریزرو پولیس کے ہیڈ کانسٹیبل صدیق خان نے اپنی شادی کیلئے چھٹی کی درخواست دی جسے اعلی افسران نے نہ صرف مسترد کردیا بلکہ اہلکار کی سرزنش بھی کی۔

آزادی مارچ کی سپیشل ڈیوٹی پر آئے پولیس اہلکار نے چھٹی نہ ملنے پر گلے پر چھری چلا لی سوات سے آئے پولیس اہلکار نے اعلی افسران کو چھٹی کی درخواست کی افسران کی جانب سے سرزنش کی گئی تو دلبرداشتہ اہلکار نے خودکشی کی کوشش کی
زخمی نوجوان کو تشویشناک حالت میں پمز ہسپتال منتقل کردیا گیا. pic.twitter.com/iGnmAmb97S

— Haripur Post (@haripur_post) November 11, 2019

اس پر دلبرداشتہ پولیس اہلکار نے باتھ روم میں گھس کر گلے پر چھری پھیرلی اور خودکشی کی کوشش کی۔ زخمی نوجوان اہلکار کو تشویشناک حالت میں پمز اسپتال منتقل کردیا گیا ہے۔

اسلام آباد اور سوات پولیس کے افسران بھی پمز اسپتال پہنچ گئے ہیں اور زخمی سے ملاقات کی ہے۔

ڈی آئی جی آپریشنز وقار الدین سید نے واقعے کا نوٹس لیتے ہوئے ایس پی انڈسٹریل ایریا زون کو معاملہ کی تحقیقات کرنے کا حکم دے دیا۔