افغان مفاہمتی عمل: امریکہ نمائندہ خصوصی زلمے خلیل زاد آج پاکستان پہنچیں گے

اسلام آباد (ڈیلی اردو) امریکی نمائندہ خصوصی برائے افغان مفاہمتی عمل زلمے خلیل زاد ایک روزہ دورے پر جمعہ کو اسلام آباد پہنچیں گے۔

اسلام آباد دورے کے دوران زلمے خلیل زاد افغان مفاہمتی امن عمل کے حوالے سے اعلی قیادت کے ساتھ بات چیت کرینگے۔ اہم سفارتی ذرائع کے مطابق افغانستان کیلئے خصوصی امریکی نمائندہ برائے افغان مفاہمتی عمل زلمے خلیل زاد آج (جمعہ) ایک روزہ سرکاری دورے پر اسلام آباد پہنچ رہے ہیں۔

توقع ہے کہ امریکی خصوصی نمائندہ زلمے خلیل زاد خطے میں امن وامان کی صورتحال، افغان طالبان اور امریکہ کے مابین امن مزاکرات کے حوالے سے پاکستان کی اعلی سرکاری اور عسکری قیادت کے ساتھ ملاقات کرینگے۔

اس سے قبل ترجمان دفتر خارجہ ڈاکٹر محمد فیصل نے دفتر خارجہ میں ہفتہ وار پریس بریفنگ کے دوران ایک سوال کے جواب میں امریکہ اور افغان طالبان کے مابین مذاکراتی عمل کی بحالی کو خوش آئند قرار دیا تھا۔ ترجمان دفتر خارجہ کا کہنا ہے کہ پاکستان افغانستان میں قیام امن کیلئے اپنی کوششوں کو جاری رکھے گا اور اس سلسلے میں اپنا کردار ادا کرے گا۔

انہوں نے کہا کہ پاکستان چاہتا ہے کہ افغانستان کے معاملات باہمی افہام و تفہیم سے افغان قیادت میں ہونے چاہیے۔

واضع رہے کہ اس سے قبل افغان طالبان اور امریکہ کے مابین مذاکرات کاسلسلہ روک دیا گیا تھا تاہم گزشتہ عرصے کے دوران افغان مفاہمتی عمل پر پھر سے کام شروع ہوگیا ہے جسے دونوں جانب سے خوش آئند قرار دیا جا رہا ہے۔