19/July/2019

افغانستان: کابل میں یونیورسٹی کے قریب دھماکا، 9 شہری شہید، 33 زخمی

👁️ 86 بار دیکھا گیا

ایڈمن
امریکا
افغانستان: کابل میں یونیورسٹی کے قریب دھماکا، 9 شہری شہید، 33 زخمی

افغانستان: کابل میں یونیورسٹی کے قریب دھماکا، 9 شہری شہید، 33 زخمی

کابل (ڈیلی اردو/ نیوز ایجنسی) افغانستان کے دارالحکومت کابل میں جمعہ کو علی الصباح دھماکا ہوا ہے جس کے نتیجے میں 9 شہری شہید اور 33 زخمی ہو گئے۔

افغان نیوز ایجنسی خامہ پریس کے مطابق صبح پولیس ڈسٹرکٹ تھری میں کابل یونیورسٹی کے قریب زور دار دھماکا ہوا جس میں 9 افراد شہید اور 33 زخمی ہو گئے۔

دھماکے کے نتیجے میں یونیورسٹی کے قریب کھڑی 2 گاڑیوں میں آگ بھڑک اٹھی۔ زخمی اور ہلاک ہونے والے افراد کی لاشوں کو ہسپتال منتقل کیا گیا جہاں زخمیوں کو طبی امداد دی گئی۔

وزارت داخلہ کے ترجمان نصرت رحیمی نے ٹوئٹر پر اپنے پیغام میں لکھا تھا کہ صبح کے وقت یونیورسٹی کے قریب دھماکا ہوا۔ انہوں نے کہا کہ دہشت گردوں نے طلبا اور عام لوگوں کو نشانہ بنایا۔

افغان میڈیا کے مطابق کہ دھماکے کے وقت طلبہ کی بڑی تعداد یونیورسٹی کے باہر موجود تھی۔ کابل پولیس کے مطابق دھماکا علاقے میں نصب آئی ای ڈی سے کیا گیا ہے، جس کی فی الحال کسی گروپ کی جانب سے ذمہ داری قبول نہیں کی گئی۔

شیئر کریں:

متعلقہ خبریں

خبر
سیاست

قومی اسمبلی میں اہم بل کی منظوری

1 گھنٹہ پہلے تفصیل
خبر
سیاست

وزیر خارجہ کا اہم بیان

2 گھنٹے پہلے تفصیل

موسمی حالات

کراچی

32°C

لاہور

28°C