امریکا میں چرچ پر فائرنگ سے 2 خواتین سمیت 3 افراد ہلاک

آئیووا (ڈیلی اردو) امریکی ریاست آئیووا کے ایک چرچ کی پارکنگ میں فائرنگ کے واقعے میں 2 خواتین سمیت 3 افراد ہلاک ہوگئے۔

عالمی خبر رساں ادارے کے مطابق امریکی ریاست آئیووا کے چرچ کی کارپارکنگ میں مسلح شخص نے فائرنگ کرکے 2 خواتین کو ہلاک کردیا اور خود کو بھی گولی مار کر اپنی زندگی کا خاتمہ کرلیا۔

Three people dead after shooting in Iowa church parking lot https://t.co/IjlZ2hrjBD pic.twitter.com/xjBZmA42sx

— Reuters (@Reuters) June 3, 2022

جس وقت چرچ کی کارپارکنگ میں فائرنگ کا واقعہ رونما ہوا اُس وقت چرچ کے اندر ایک مذہبی تقریب جاری تھی جس میں درجنوں افراد شریک تھے۔
پولیس کا کہنا ہے کہ لواحقین کی اجازت سے قبل مقتولین کی شناخت اور قاتل و مقتول کے درمیان رشتے کے بارے میں کچھ نہیں بتایا جا سکتا ہے۔

آج ہی کے روز ونسکونس میں ایک قبرستان میں جنازے کے شرکاء پر بھی فائرنگ کی گئی تھی جس کے نتیجے میں 3 افراد زخمی ہوگئے تھے جن میں سے ایک حالت نازک بتائی جارہی ہے۔

امریکا میں 15 مئی سے اب تک سفید فام نوجوان کی فائرنگ سے 10 سیاہ فام، اسکول پر 18 سالہ نوجوان کی فائرنگ میں 2 اساتذہ اور 19 طلبا جب کہ اسپتال میں فائرنگ سے 4 افراد ہلاک ہوچکے ہیں۔