امریکا کی جانب سے پاکستان سے متعلق نیا سکیورٹی الرٹ جاری

واشنگٹن (ڈیلی اردو) پاکستان کے دارالحکومت اسلام آباد میں تباہ کن خودکش دھماکے کے بعد امریکا نے پاکستان سے متعلق نیا سکیورٹی الرٹ جاری کر دیا۔

امریکی محکمہ خارجہ نے اسلام آباد خودکش حملے کے بعد سکیورٹی ایڈوائزری جاری کرتے ہوئے پاکستان میں سفر کرنے والے امریکی شہریوں کو محتاط رہنے کی ہدایت کر دی ہے۔

امریکی محکمہ خارجہ نے کہا کہ امریکی شہری عوامی اجتماعات میں جانے سے گریز کریں اور اپنی ذاتی سکیورٹی منصوبہ بندی کا از سرِ نو جائزہ لیں۔

سکیورٹی ایڈوائزی میں یہ بھی کہا گیا ہے کہ امریکی شہری مقامی میڈیا پر صورت حال سے متعلق تازہ معلومات پر نظر رکھیں۔

یاد رہے کہ دو روز قبل اسلام آباد کی شیعہ جامع  مسجد خدیجۃ الکبریٰ کے اندر خودکش دھماکے کے نتیجے میں 36 افراد ہلاک اور 170 سے زائد زخمی ہو گئے تھے، جن میں سے 29 کی حالت تشویشناک بتائی گئی ہے۔

بعد ازاں اس حملے کی ذمہ داری داعش نے قبول کر لی تھی۔