امریکی ریاست میری لینڈ میں مسلح شخص کی فائرنگ سے 4 افراد ہلاک

واشنگٹن (ڈیلی اردو) امریکی ریاست میری لینڈ میں ناراض پڑوسی نے اپنے ہمسائیوں کو فائرنگ کرکے قتل کردیا۔

مقامی میڈیا کے مطابق امریکی ریاست میری لینڈ میں فائرنگ کے ایک واقعے میں خاتون سمیت 3 افراد ہلاک اور ایک زخمی ہوگیا۔ حملہ آور بھی پولیس فائرنگ میں مارا گیا۔

3 people were killed and 2 people were injured Saturday morning after a large fire and a police shooting in Baltimore County, Maryland, authorities say. https://t.co/LloBTiRnKG

— NBC News (@NBCNews) May 8, 2021

فائرنگ سے قبل اہل محلہ نے دھماکے کی آواز سنی جس پر کافی لوگ باہر نکل آئے۔ عینی شاہدین کا کہنا ہے کہ مسلح شخص کو اپنے پڑوسیوں کو گولیاں مارتے دیکھا گیا۔ حملہ آور نے گلی میں موجود دیگر لوگوں پر گولیاں برسائیں۔

پولیس نے ملزم کا تعاقب کرکے گرفتار کرنے کی کوشش کی جس پر حملہ آور نے فائرنگ کردی۔ پولیس کی جوابی کارروائی میں حملہ آور بھی مارا گیا۔ تاحال واقعے کی وجہ کا تعین نہیں کیا جا سکا ہے۔

اہل محلہ کا کہنا ہے کہ حملہ آور اور ہلاک ہونے والے کافی عرصے سے ایک دوسرے کے پڑوسی ہیں۔ حملہ آور اکثر جھگڑا کرتا رہتا تھا۔