امریکی وزیر خارجہ انتھونی بلنکن کا افغانستان کا اچانک دورہ

کابل (ڈیلی اردو) امریکی وزیر خارجہ انتھونی بلنکن نے افغانستان کا غیر اعلانیہ دورہ کیا جہاں انہوں نے افغان حکام اور امریکی افواج سے ملاقاتیں بھی کیں۔

غیر ملکی خبر ایجنسی کے مطابق وزیر خارجہ انتھونی بلنکن نے افغانستان کے دورے کے دوران صدر اشرف غنی، چیف ایگزیکٹو عبداللہ عبداللہ اور امریکی افواج سے ملاقاتیں کیں۔

(1/4) Secretary of State Antony Blinken visited Kabul today to meet with Afghan leaders and discuss our nations’ #EnduringPartnership. In each meeting, Secretary Blinken noted that our countries were beginning a new chapter, “one that we will write together.”

— U.S. Embassy Kabul (@USEmbassyKabul) April 15, 2021

اس موقع پر انتھونی بلنکن کا کہنا تھا کہ امریکی فوج کے انخلا کا مطلب امریکا افغانستان کے تعلقات کا خاتمہ نہیں ہے۔

ان کا کہنا تھا کہ دورے کا مقصد افغانستان سے امریکا کی وابستگی کا اظہار کرنا ہے، شراکت بدل رہی ہے لیکن شراکت داری پائیدار ہے۔

افغان صدر اشرف غنی کا کہنا تھا کہ امریکی فیصلے کا احترام کرتے ہیں اور اپنی ترجیحات کو ترتیب دے رہے ہیں۔

خیال رہے کہ امریکا کے صدر جو بائیڈن نے یکم مئی سے اپنی فوج کے افغانستان سے انخلا کے آغاز کا اعلان کر دیا ہے۔