انڈونیشیا میں ایسٹر پر گرجاگھر پر خودکش حملے، 2 افراد ہلاک، 14 زخمی

جکارتا (ڈیلی اردو) انڈونیشیا میں ایسٹر تقریبات کے دوران گرجا گھر کے باہر ہونے والے خودکش دھماکے کے نتیجے میں 2 افراد ہلاک اور 14 زخمی ہو گئے۔

غیر ملکی خبر ایجنسی کے مطابق موٹر سائیکل سوار بمبار نے مکاسر شہر میں گرجا گھر میں گھسنے کی کوشش کی۔

#BREAKING Two bombers suspected in Indonesia cathedral blast: police pic.twitter.com/2KyiMuS1c0

— AFP News Agency (@AFP) March 28, 2021

میڈیا رپورٹس کے مطابق گرجا گھر گارڈ کے روکنے پر بمبار نے خود کو دھماکے سے اڑا لیا۔

Explosion reported at the Sacred Heart of Jesus Cathedral in Makassar, Indonesia, during Sunday mass. Casualties reported. Initial unconfirmed reports that it was a suicide bombing. https://t.co/qq7wtyP4id

— FJ (@Natsecjeff) March 28, 2021

پولیس کا اس حوالے سے کہنا ہے کہ گرجا گھر پر حملہ کرنے کے لیے آنے والے حملہ آوروں کی تعداد دو تھی۔

مقامی میڈیا کا بتانا ہے کہ خودکش حملے میں ہلاک ہونے والے دونوں افراد حملہ آور تھے جبکہ زخمیوں کو طبی امداد کے لیے اسپتال منتقل کر دیا گیا ہے۔

دھماکے کے بعد حملہ آور کے اعضا 200 میڑ کے فاصلے سے ملے۔ ماکاسر کا علاقہ 1.5 ملین آبادی پر مشتمل ہے، جہاں مختلف مذاہب سے تعلق رکھنے والے افراد آباد ہیں۔

یاد رہے کہ 2018 میں انڈونیشیا کے شہر سورابایا کے 3 گرجا گھروں میں خودکش حملوں میں 9 افراد ہلاک اور 40 سے زائد زخمی ہوگئے تھے۔

واضح رہے کہ اس سے قبل سال 2019 میں سری لنکا میں اتوار کو مسیحی تہوار ایسٹر کے موقع پر ہونے والے دھماکوں میں 290 افراد ہلاک ہوئے تھے، جب کہ دھماکوں سے 500 سے زائد افراد زخمی ہوئے۔

دھماکوں کے بعد ملک بھر میں جو کرفیو نافذ کیا گیا تھا۔

کولمبو سمیت 3 شہروں میں 3 ہوٹلوں اور 3 گرجا گھروں کو نشانہ بنایا گیا اور ہلاک شدگان میں مقامی باشندوں کے علاوہ غیر ملکی بھی شامل تھے۔