اورکزئی میں جھڑپ، 4 سکیورٹی اہلکار ہلاک، جماعت الحرار نے ذمہ داری قبول کرلی

واشنگٹن (ش ح ط) پاکستان کے قبائلی ضلع اورکزئی کے علاقے ڈبوری میں سکیورٹی فورسز اور شدت پسندوں کے درمیان جھڑپ کے دوران چار سکیورٹی اہلکار ہلاک ہو گئے ہیں۔ سکیورٹی ذرائع کے مطابق حملہ اچانک کیا گیا، جس کے بعد علاقے میں جوابی کارروائی کی گئی۔

کالعدم تنظیم تحریک طالبان پاکستان (ٹی ٹی پی) سے منسلک سب سے بڑے دھڑے "جماعت الحرار" نے اس حملے کی ذمہ داری قبول کرنے کا دعویٰ کیا ہے۔ تنظیم نے بیان جاری کرتے ہوئے فورسز پر حملے کی تصدیق کی ہے۔

مقامی ذرائع کا کہنا ہے کہ اورکزئی اور گردونواح کے علاقوں میں کالعدم تنظیموں کی سرگرمیوں میں حالیہ دنوں میں تیزی آئی ہے، جس پر مقامی افراد میں تشویش پائی جاتی ہے۔ سکیورٹی فورسز نے علاقے میں ممکنہ دہشتگردوں کے خلاف مزید آپریشن کا عندیہ دیا ہے۔