اوکاڑہ سے کالعدم تحریک طالبان پاکستان کے دو مبینہ دہشت گرد گرفتار

اسلام آباد (ش ح ط) کاؤنٹر ٹیررازم ڈیپارٹمنٹ (سی ٹی ڈی) نے کارروائی کرتے ہوئے اوکاڑہ سے دو دہشت گردوں کو گرفتار کرلیا ہے۔

سی ٹی ڈی پنجاب نے اوکاڑہ میں کارروائی کی اور عبدالجبار اور صغیر حسین کو گرفتار کر لیا۔

Confirmed by Pakistani media:

Pakistan Counter-Terrorism Dept (CTD) arrested two alleged Tehrik-e-Taliban Pakistan (TTP) operatives from Okara, Punjab. They were identified as Sagheer Hussain and Abdul Jabbar. https://t.co/a2TLquJDxS

— FJ (@Natsecjeff) November 23, 2021

ترجمان سی ٹی ڈی کے مطابق ادارے نے زمان پارک سے خفیہ اطلاع پر دہشت گردوں کو گرفتار کیا ہے۔

گرفتار کے گئے مذکورہ دہشت گردوں کے قبضے سے ہینڈ گرینیڈ، ڈیٹونیٹرز، اسلحہ اور دیگر سامان برآمد ہوا ہے۔

گرفتار دہشت گرد صغیر حسین کا تعلق گوجرانوالہ اور عبدالجبار کا اٹک سے ہے۔

سی ٹی ڈی ترجمان کے مطابق گرفتار دہشت گرد اوکاڑہ میں دہشت گرد کارروائی کی منصوبہ بندی کر رہے تھے، گرفتار دہشت گردوں کے خلاف سی ٹی ڈی ساہیوال میں مقدمہ درج کر لیا گیا ہے۔

سی ٹی ڈی حکام کے مطابق گرفتار دہشت گردوں کا تعلق کالعدم تنظیم تحریک طالبان پاکستان (ٹی ٹی پی) سے ہے، ملزمان کو مزید تفتیش کے لیے نامعلوم مقام پر منتقل کردیا گیا ہے۔