آسٹریا کا 4 روسی سفارتکاروں کو ملک چھوڑنے کا حکم

ویانا (ڈیلی اردو) آسٹریا نے 4 روسی سفارتکاروں کو بین الاقوامی معاہدوں کی خلاف ورزی کے الزام میں ملک چھوڑنے کا حکم دے دیا۔

#BREAKING Austria expels four Russian diplomats: statement pic.twitter.com/7VsDdh8Xev

— AFP News Agency (@AFP) February 2, 2023

آسٹریا کی وزارت خارجہ نے تفصیلات بتائے بغیر روسی سفارتکاروں کی ملک بدری کا حکم دیا۔

4 میں سے 2 سفارتکاروں کو ناپسند شخص قرار دے کر 8 فروری تک ملک چھوڑنے کی ہدایت دی گئی ہے۔

یہ دونوں سفارتکار ویانا میں قائم روسی سفارتخانے میں کام کرتے ہیں۔

دیگر 2 سفارتکار اقوام متحدہ کے دفتر میں کام کرنے والے روسی مشن کا حصہ ہیں۔

آسٹریا کی وزارت خارجہ نے کہا کہ روسی سفارتخانے میں کام کرنے والے 2 سفارتکاروں نے اپنی سفارتی حیثیت کو بالائے طاق رکھتے ہوئے برتاؤ کیا، اس لیے انہیں ’پرسونا نان گراٹا‘ قرار دیا جا رہا ہے۔

بیان میں کہا گیا کہ اقوام متحدہ کے روسی مشن میں کام کرنے والے دو سفارتکاروں نے آسٹریا اور اقوام متحدہ کے درمیان معاہدے کی خلاف ورزی کی ہے۔