ایتھوپیا میں بدترین انسانی صورت حال ہے، اقوام متحدہ

نیو یارک (ڈیلی اردو) اقوام متحدہ کے سیکرٹری جنرل انتونیو گوتریس نے ایتھوپیا کے علاقے تیگرے میں گذشتہ نو ماہ سے جاری مسلح تنازعے کے باعث پیدا ہونے والی بد ترین انسانی صورت حال کو جہنم قرار دیا ہے۔

جرمن ذرائع ابلاغ کے مطابق آبادی کے لحاظ سے افریقہ کے دوسرے بڑے ملک ایتھوپیا میں تیگرے کے خطے میں حکومتی فورسز باغیوں کے خلاف لڑ رہی ہیں، تاہم انسانی حقوق کی تنظیموں کی جانب سے فوج پر انسانی حقوق کی پامالیوں کے اعتبار سے شدید نوعیت کے الزامات عائد کیے جا رہے ہیں۔

عالمی تنظیموں کے مطابق متاثرہ خطے میں خوراک کا بحران بھی پیدا ہو چکا ہے اور لاکھوں افراد بے سرو سامانی کی حالت میں فوری امداد کے منتظر ہیں۔