ایران: سپریم لیڈر خامنہ ای نے غلام حسین محسنی اژہ کو عدلیہ کا سربراہ مقرر کردیا

👁️ 78 بار دیکھا گیا

ایڈمن

امریکا

تہران (ڈیلی اردو) ایران کے سپریم لیڈر آیت اللہ علی خامنہ ای نے آیت اللہ غلام حسین محسنی کو ملکی عدلیہ کا نیا سربرہ مقرر کیا ہے۔

عدلیہ کے سابق سربراہ ابراہیم رئیسی نے حال ہی میں صدارتی انتخابات میں کامیابی حاصل کی تھی اور وہ تین اگست کو منصبِ صدارت سنبھالیں گے۔

نئے چیف جسٹس محسنی قبل ازیں ملکی عدلیہ کے نائب سربراہ تھے۔ غلام حسین محسنی بھی ابراہیم رئیسی کی طرح سخت نظریات کے حامل مذہبی اسکالر ہیں۔

آیت اللہ محسنی ایران کے انٹیلیجنس امور کے وزیر بھی رہ چکے ہیں اور بین الاقوامی قانون میں ماسٹر ڈگری رکھتے ہیں۔