ایران نے موساد کیلئے جاسوسی کے الزام میں ایک شخص کو پھانسی پر لٹکا دیا

تہران (ڈیلی اردو) ایران نے اسرائیل کے لیے جاسوسی کے الزام میں ایک شخص کو پھانسی دے دی ہے۔

ایرانی نیوز ایجنسی کے مطابق 27 سالہ عقیل کشاورز کو اپریل اور مئی کے درمیان شمال مغربی شہر ارومیہ سے گرفتار کیا گیا تھا۔ ایرانی حکام کا کہنا ہے کہ عقیل کشاورز اسرائیلی خفیہ ایجنسی موساد کے لیے کام کر رہا تھا۔

رپورٹ کے مطابق اغیل کشاورز پر صہیونی ریاست کے لیے جاسوسی، رابطے رکھنے اور فوجی و سکیورٹی تنصیبات کی تصاویر لینے کے الزامات عائد تھے، جن پر اسے سزائے موت سنائی گئی۔ 

بعد ازاں ایران کی سپریم کورٹ نے بھی جاسوسی کے الزامات کے تحت اس کی سزا برقرار رکھی۔

ایرانی حکام کے مطابق عقیل کشاورز کو ہفتے کی صبح پھانسی دے دی گئی۔