باجوڑ: عوامی نیشنل پارٹی کے رکن حاجی میر اعظم شدت پسندوں کی فائرنگ سے ہلاک

باجوڑ (نمائندہ ڈیلی اردو) پاکستان کے شورش زدہ صوبے خیبر پختونخوا کے قبائلی ضلع باجوڑ کے علاقے خزانہ موڑ میں شدت پسندوں کی فائرنگ سے عوامی نیشنل پارٹی کے اہم رکن حاجی میر اعظم ہلاک ہو گئے۔

پولیس کے مطابق، ملزمان نے حاجی میر اعظم پر اندھا دھند فائرنگ کی اور حملے کے بعد فرار ہونے میں کامیاب ہو گئے۔

حاجی میر اعظم علاقے کی سیاسی اور سماجی سرگرمیوں میں سرگرم رہنے والے معروف شخصیت تھے۔ مقامی سیاسی رہنماؤں نے واقعے کی شدید الفاظ میں مذمت کی اور فوری تحقیقات کا مطالبہ کیا ہے۔

واقعے کے بعد پولیس نے علاقے میں ناکہ بندی اور سرچ آپریشن شروع کر دیا ہے، تاہم ابھی تک کسی کی گرفتاری عمل میں نہیں آ سکی۔

علاقائی لوگ واقعے پر گہرے صدمے کا اظہار کر رہے ہیں اور مطالبہ کر رہے ہیں کہ قاتل جلد از جلد قانون کے کٹہرے میں لائے جائیں۔