باجوڑ: کرکٹ گراؤنڈ میں دھماکا، ایک شخص ہلاک، بچے سمیت متعدد زخمی

خار (نمائندہ ڈیلی اردو) پاکستان کے شورش زدہ صوبے خیبرپختونخوا کے قبائلی ضلع باجوڑ میں کرکٹ گراؤنڈ میں بارودی مواد کے دھماکے کے نتیجے میں ایک شخص ہلاک  جبکہ ایک بچے سمیت دیگر افراد زخمی ہوگئے۔

ڈیلی اردو کے مطابق، دھماکہ تحصیل خار کے علاقے کوثر کرکٹ گراؤنڈ میں ہوا۔ ہلاک ہونے والے شخص کی شناخت فضل اللہ کے نام سے ہوئی ہے، جبکہ دیگر افراد بھی زخمی ہوئے ہیں۔ 

عینی شاہدین کے مطابق دھماکے کے بعد انسانی اعضاء دور دور تک بکھر گئے۔

باجوڑ ڈسٹرکٹ پولیس افسر وقاص رفیق نے واقعے کی تصدیق کرتے ہوئے کہا کہ “ایسا لگتا ہے کہ یہ ٹارگٹڈ حملہ ہے۔”

پولیس نے علاقے کو گھیرے میں لے کر سرچ آپریشن شروع کردیا ہے اور مزید کارروائی جاری ہے۔