برطانیہ میں فلسطین ایکشن گروپ کے متعدد کارکن دہشت گردی کے الزام میں گرفتار

لندن (ڈیلی اردو) برطانیہ میں ’’فلسطین ایکشن‘‘ نامی تنظیم کی حمایت کرنے والے متعدد کارکنوں کو دہشت گردی کے الزامات کے تحت گرفتار کر لیا گیا۔ گرفتار افراد پر الزام ہے کہ انہوں نے احتجاجی مظاہروں کے دوران ممنوعہ تنظیم کی حمایت میں نعرے لگائے اور پلے کارڈز اٹھائے۔

برطانوی میڈیا کے مطابق گرفتار ہونے والوں میں ایک 81 سالہ سابق استاد اور ماہر نفسیات بھی شامل ہیں جبکہ مجموعی طور پر اب تک ایک سو سے زائد افراد کے خلاف مقدمات درج کیے جا چکے ہیں۔ ان الزامات کو انسدادِ دہشت گردی ایکٹ کے تحت درج کیا گیا ہے جن کے تحت سخت سزائیں دی جا سکتی ہیں۔

حکومت نے جولائی 2025 میں ’’فلسطین ایکشن‘‘ کو دہشت گرد تنظیم قرار دیا تھا اور اب اس کی حمایت کرنے والوں کے خلاف بھی کارروائی کی جا رہی ہے۔ انسانی حقوق کی تنظیموں نے ان گرفتاریوں کو آزادیِ اظہار پر حملہ قرار دیتے ہوئے ان مقدمات کو فوری طور پر ختم کرنے کا مطالبہ کیا ہے۔