بغداد میں امریکی ڈرون حملہ، عراقی ملیشیا حرکتہ النجبہ کے کمانڈر 4 ساتھیوں سمیت ہلاک

واشنگٹن (ڈیلی اردو) عراق میں امریکی ڈرون حملے میں عراقی ملیشیا کے کمانڈر 4 ساتھیوں سمیت ہلاک ہوگئے۔

خبر ایجنسی رائٹرز کے مطابق عراقی کمانڈر کی گاڑی کو بغداد کے شمالی علاقے میں نشانہ بنایا گیا جس میں ملیشیا کے کمانڈر مشتاق جواد کاظم الجواری ہلاک ہوگئے۔

The Pentagon confirmed the US military carried out a retaliatory strike in Baghdad, killing Mushtaq Jawad Kazim al Jawari, a leader of Harakat al Nujaba, who was involved in planning and carrying out attacks against American personnel https://t.co/W2uHyTlfrd pic.twitter.com/WQbssSTU5D

— Reuters (@Reuters) January 5, 2024

پینٹاگون کے مطابق جواد کاظم الجواری عراقی ملیشیا حرکتہ النجبہ کے کمانڈر تھے جو امریکی اہلکاروں پر حالیہ حملوں میں ملوث تھے۔

پینٹا گون کے ترجمان نے کہا کہ امریکا نے یہ حملہ اپنے دفاع میں کیا ہے اور اس حملے میں کسی بھی شہری کو نقصان نہیں پہنچا ہے۔

خبرایجنسی کے مطابق امریکا کی جانب سے کارروائی پر عراقی حکومت نے شدید ردعمل کا اظہار کیا ہے۔

عراقی وزیراعظم کے ترجمان نے کہا کہ عراقی سکیورٹی سے متعلق تنظیم پر بلاجواز حملہ کیا گیا۔