بلوچستان: تربت میں سیکورٹی فورسز کی گاڑی پر بم حملے میں 5 اہلکار ہلاک، 5 زخمی

اسلام آباد (ش ح ط) صوبہ بلوچستان میں سکیورٹی فورسز کی گاڑی کے قریب بم دھماکے میں کم از کم پانچ اہلکاروں کی ہلاکت کی اطلاعات ہیں۔

ذرائع کے ضلع کیچ کی تحصیل تربت کے علاقے ناصر آباد میں سیکیورٹی فورسز کی گاڑی کے قریب دھماکے کے بعد شدید فائرنگ کے نتیجے میں 5 اہلکار ہلاک اور 5 زخمی ہوگئے۔

بلوچستان کے ضلع کیچ کی تحصیل تربت کے علاقے ناصرآباد میں سیکورٹی فورسز کی گاڑی کے قریب دھماکے میں 5 اہلکار ہلاک اور 5 زخمی ہوگئے، ذرائع کے مطابق گاڑی کو موٹرسائیکل میں نصب دھماکا خیز مواد سے نشانہ بنایا گیا۔مزید ہلاکتوں کا خدشہ ہے#Kech #Turbat #Balochistan #Pakistan @Natsecjeff

— Shabbir Hussain Turi (@ShabbirTuri) January 2, 2022

یہ دھماکہ سیکورٹی فورسز کے ایک ٹرک کے نزدیک کیا گیا جو ایک موٹر سائیکل میں نصب تھا۔

لاشوں اور زخمیوں کو فوری طور پر سی ایم ایچ کوئٹہ منتقل کردیا گیا۔

دوسری جانب کالعدم تنظیم بلوچ لبریشن آرمی (بی ایل اے) نے ذمہ داری قبول کرلی۔

ترجمان جیئند بلوچ نے میڈیا کو جاری کردہ بیان میں تربت حملے کی ذمہ داری قبول کرتے ہوئے کہا ہے کہ بی ایل اے کے سرمچاروں نے آج بروز اتوار کو ناصر آباد میں پاکستانی فوج کے گاڑیوں کے ایک قافلے کو بم حملے میں نشانہ بنا کر فوج کے سات اہلکار ہلاک کر دیئے۔