بلوچستان: تربت کے علاقے مند سے 3 افراد کی تشدد زدہ لاشیں برآمد

کوئٹہ (ڈیلی اردو) صوبہ بلوچستان کے ضلع تربت سے 3 نامعلوم افراد کی تشدد زدہ لاشیں ملی ہیں، جنہیں مقامی ہسپتال منتقل کر دیا گیا ہے۔

لیویز حکام کے مطابق تربت کےعلاقے مند میں تشدد زدہ لاشیں ملاچات اور شاہ مراد چات کے درمیان سڑک پر ملیں۔ تینوں کو فائرنگ کر کے قتل کیا گیا۔

حکام کا کہنا ہے کہ مقتولین کے ہاتھ پیچھے بندھے ہوئے تھے، البتہ لیویز اس سلسلے میں مزید تحقیقات کر رہی ہے۔

تاحال ان افراد کے قتل کے محرکات معلوم نہیں ہو سکے اور نہ ہی اس بارے میں معلومات ہیں یہ افراد یہاں کب آئے تھے اور کیا کر رہے تھے تاہم حکام اس معاملے کی تحقیقات کر رہے ہیں۔

خیال رہے کہ تربت کا شمار بلوچستان کے شورش زدہ علاقوں میں ہوتا اور ماضی میں بھی یہاں تشدد زدہ لاشیں ملنے اور ٹارگٹ کلنگ کے واقعات پیش آچکے ہیں۔