بلوچستان: خضدار میں عسکریت پسندوں کا سرکاری عمارتوں پر قبضہ، 7 اہلکار زخمی

کوئٹہ (نمائندہ ڈیلی اردو) پاکستان کے شورش زدہ صوبے بلوچستان کے ضلع خضدار کے علاقے کرخ میں مسلح افراد کی جانب سے پولیس اسٹیشن، نادرا دفتر اور دیگر سرکاری عمارتوں پر قبضہ کرنے کی اطلاعات موصول ہوئی ہیں۔

ذرائع کے مطابق حملہ آوروں نے کارخ کراس اور مولا کراس پر سڑکیں بند کر دی ہیں جبکہ مولا کراس پر پولیس چیک پوسٹ کو آگ لگا دی گئی اور اہلکاروں کو حراست میں لے لیا گیا۔

مزید برآں، عسکریت پسندوں کی ناکہ بندی ختم کرانے کے لیے جانے والے کاؤنٹر ٹیررازم ڈیپارٹمنٹ (سی ٹی ڈی) کے اہلکاروں پر بھی حملہ ہوا، جس میں سات افراد زخمی ہو گئے۔

مقامی اور سرکاری ذرائع کے مطابق علاقے میں سیکیورٹی فورسز کی اضافی نفری تعینات کی جا رہی ہے اور مشتبہ افراد کی گرفتاری کے لیے چھاپے جاری ہیں۔