بلوچستان: سبی کے علاقے لہڑی میں بارودی سرنگ دھماکا، ایک شخص شہید

سبی (سید طاہر علی) بلوچستان کے ضلع سبی کے علاقے لہڑی کے مقام پر بارودی سرنگ کا دھماکہ ہوا جس کے نتیجے میں ایک شخص شہید ہوگیا۔

تفصیلات کے مطابق لہڑی کے علاقے گوگی نالہ پر گدھا گاڑی بارودی سرنگ سے ٹکرا گئی جس کے نتیجے میں گدھا ریڑی سوار مالک شہید ہوگیا۔

زرائع کا کہنا ہے کہ گدھا ریڑی سوار مالک مزدوری کے غرض سے لہڑی آرہے تھے، گدھا ریڑی زیر زمین بچھائی ہوئی بارودی سرنگ ٹکرا گئی۔ جس سے زور دار دھماکہ ہوا۔ شہید کا شناخت سکندر ولد وارث سے ہوئی ہے۔ لاش کو مقامی ہسپتال منتقل کردیا گیا۔

واقعے کے بعد ایف سی اہلکاروں نے علاقے کو گھیرے میں لے لیا ہے اور بم ڈسپوزل سکواڈ کو طلب کر کے بارودی سرنگوں کی نشاندہی کا عمل شروع کر دیا گیا ہے۔

ذرائع کا کہنا تھا کہ بارودی سرنگیں بلوچ دہشت گرد تنظیموں کی جانب سے بچھائی ہوئی ہے تاکہ سیکیورٹی فورسز کو نشانہ بنایا جا سکے۔