بلوچستان: قلات میں لیویز گاڑی پر فائرنگ، ایک اہلکار ہلاک، دوسرا زخمی

کوئٹہ (بیورو رپورٹ) صوبہ بلوچستان کے ضلع قلات کے علاقے منگچر جوہان کراس بازار کے قریب پرنس ہوٹل ایریا میں نامعلوم مسلح افراد کی لیویز گاڑی پر فائرنگ سے ایک اہلکار ہلاک اور ایک زخمی ہوگیا۔

At least two Levies soldiers were injured, when unknown armed assailants opened fire on Levies Patrolling vehicle near Prince Hotel Johan Cross Market #Manguchar town of the district #Kalat #Balochistan

— ???????? (@Info_Balochistn) July 17, 2022

لیویز فورس کے مطابق لیویز گاڑی بازار جوہان کراس ایریا میں معمول کی گشت پر تھا کہ پرنس ہوٹل جوہان کراس ایریا میں نامعلوم موٹر سائیکل سواروں نے فائرنگ کردی۔ جس کے نتیجے میں دو لیویز اہلکار محمد حمزہ اور ثناءاللہ زخمی ہوگئے زخمیوں کو ہسپتال منتقل کردیا گیا۔ تاہم امیر حمزہ نامی اہلکار زخموں کی تاب نہ لاتے ہوئے چل بسا ہے۔

بلوچستان: قلات میں پرنس ہوٹل کے قریب نامعلوم مسلح افراد کی لیویز موبائل پر فائرنگ، دو لیویز اہلکار زخمی، بی ایل اے نے حملے کی ذمہ داری قبول کرلی۔#BLA #Kalat #Balochistan #Pakistan

— Shabbir Hussain Turi (@ShabbirTuri) July 17, 2022

دوسری جانب کالعدم تنظیم بلوچ لبریشن آرمی نے لیویز فورس کی گاڑی پر حملے کی ذمہ داری قبول کرلی۔

بلوچ لبریشن آرمی کے ترجمان جیئند بلوچ نے نامعلوم مقام سے میڈیا کو جاری بیان میں کہا ہے کہ ہمارے سرمچاروں نے قلات کے علاقے منگچر میں لیویز فورسز کو اس وقت نشانہ جب انہوں نے ناکہ لگایا تھا۔