بلوچستان: قلعہ سیف اللہ میں سیکورٹی فورسز کا آپریشن، داعش کا انتہائی مطلوب دہشتگرد ابو حمزہ خراسانی ہلاک

راولپنڈی (نمائندہ ڈیلی اردو) سیکیورٹی فورسز نے صوبہ بلوچستان کے ضلع قلعہ سیف اللہ میں ہائی پروفائل دہشت گرد کی موجودگی کی اطلاع پر انٹیلی جنس کی بنیاد پر آپریشن کیا ہے۔

پاکستانی فوج کے شعبہ تعلقات عامہ آئی ایس پی آر کے مطابق سیکیورٹی فورسز نے قلعہ سیف اللّٰہ میں آپریشن کرتے ہوئے ہائی ویلیو ٹارگٹ دہشت گرد عبدالشکور عرف نعمان عرف ابو حمزہ خراسانی کو ہلاک کردیا۔

آئی ایس پی آر کے مطابق ہلاک ہونے والا دہشتگرد کا تعلق داعش سے تھا، ہلاک دہشت گرد 7 فرروری کو قلعہ سیف اللّٰہ اور پشین میں بم دھماکوں کا ماسٹر مائنڈ تھا۔

ہلاک ہونے والا دہشت گرد قانون نافذ کرنے والے اداروں کو انتہائی مطلوب تھااور بلوچستان میں ہائی پروفائل خودکش بم حملے کرنے کی منصوبہ بندی بھی کی۔

آئی ایس پی آر کا کہنا ہے کہ ہلاک دہشت گرد قانون نافذ کرنے والے اداروں کو مطلوب تھا، دہشتگرد نے بلوچستان میں ہائی پروفائل خودکش بم حملے کرنے کی منصوبہ بندی بھی کی تھی۔ یہ منصوبہ بندی سیکیورٹی فورسز اور انٹیلی جنس ایجنسیوں کی بروقت کارروائی کے باعث ناکام ہوئی۔

آئی ایس پی آر کے مطابق سیکیورٹی فورسز بلوچستان کا امن و استحکام سبوتاژ کرنے کی کوششوں کو ناکام بنانے کےلیے پُرعزم ہیں۔