بلوچستان: مستونگ میں دہشت گردوں نے فائرنگ کرکے ٹریفک سارجنٹ کو شہید کردیا

کوئٹہ (ڈیلی اردو) بلوچستان کے ضلع مستونگ میں دہشت گردوں نے فائرنگ کر کے ٹریفک پولیس کے سارجنٹ کو شہید کردیا۔

لیویز ذرائع کے مطابق اتوار کو افطاری سے کچھ دیر قبل دہشت گردوں نے اسٹیڈیم روڈ پر لیبارٹری اسکول چوک کے قریب ڈیوٹی پر موجود ٹریفک پولیس کے سارجنٹ اے ایس آیی محمد حنیف پر اندھا دھند فائرنگ کردی جس کے نتیجے میں وہ موقع پر شہید ہو گئے۔

واردات کے بعد دہشت گرد باآسانی سے فرار ہونے میں کامیاب ہوگئے۔

واقعے کیخلاف اور ملزمان کی فوری گرفتاری کیلئے شہید کے لواحقین اور شہریوں نے ڈی سی بائی پاس کے قریب کوئٹہ کراچی قومی شاہراہ پر میت رکھ کر دھرنا دیا۔ جس سے قومی شاہراہ پر ٹریفک معطل ہوگئی۔

لواحقین سے ڈپٹی کمشنر ایف سی اور پولیس کے حکام نے مذکرات کئے۔