بلوچستان میں سیکورٹی فورسز کا آپریشن: کالعدم ٹی ٹی اے کا دہشت گرد گرفتار

کوئٹہ (نمائندہ ڈیلی اردو) پاکستان کے شورش زدہ صوبے بلوچستان میں سیکورٹی فورسز نے کارروائی کرتے ہوئے کالعدم تحریک طالبان افغانستان (ٹی ٹی اے) کا ایک دہشت گرد گرفتار کر لیا ہے۔ گرفتار دہشت گرد کا بھائی ٹی ٹی پی پکتیکا کا امیر ہے۔

ایڈیشنل چیف سیکرٹری داخلہ حمزہ شفقات نے بتایا کہ دہشت گرد پہلے بھی گرفتار ہو چکا تھا اور انسانی ہمدردی کی بنیاد پر عام افغان شہری سمجھ کر واپس بھیج دیا گیا تھا۔ 

وزیر داخلہ بلوچستان ضیاء لانگو نے پریس کانفرنس میں کہا کہ صوبے میں ایک سال میں ہزاروں انٹیلی جنس آپریشن ہو چکے ہیں اور افغان شہری بھی دہشت گرد کارروائیوں میں ملوث ہیں۔

انہوں نے واضح کیا کہ ٹی ٹی اے اور کالعدم ٹی ٹی پی مل کر بلوچستان میں وارداتیں کرتے ہیں اور کوئی پاکستان کی جانب میلی آنکھ سے دیکھے گا تو بھرپور جواب دیا جائے گا۔ ڈی آئی جی سی ٹی ڈی نے کہا کہ دہشت گرد تنظیمیں افغانستان کے اندر سے کارروائیاں کر رہی ہیں۔